琥酌 (已搬遷) 新店位置

突然日本瘾发作，又想食日本菜添。今次唔食寿司唔食拉面，拣左间有日本烧肉既餐厅黎食😋。哩间琥酌环境都算唔错，周围摆满左日本酒壶作装饰，坐系到感觉好似置身于日本架。入到黎已经闻到好香烧肉味，加上见到隔离台个吉列牛定食卖相都唔错，所以就拣左黎食。等左阵，d食物就好快黎到。侍应哥哥仲好好咁介绍左酱汁同食法俾我地知。食法好简单只要将吉列牛放上炉烧10至15秒就可以食得，非常方便。因为我本身食野比较慢，所以哩类烧住食既定食就岩哂我，食到先烧，确保牛肉入口热辣辣。块吉列牛外面炸过，里面仲系生既，唔算肥，有小小脂肪系中间。烧得太短时间会少少韧，烧耐啲啲就会淋啲，我就觉得烧15秒岩岩好。吉列牛本身已经好够味，不过钟意浓味既可以点埋个盐烧汁、海盐或者黄芥末，会有另一番味道。朋友喉咙唔系几舒服享用唔到个吉列牛，简简单单食个炒饭，估唔到都咁有惊喜。炒饭炒到一粒粒，好干身。除左明太子，仲食到好重既菇味，非常足料。有少少辣，好开胃，令人食唔停口。另外个杂菌汤都值得一提，汤好清劲香菇味。个沙律又超多海蜇🤤🤤。