影片
更多
2020-11-21
350 浏览
无聊上YouTube 见到有人报道呢间泰国野，系泰厨煮嘅，贪新鲜谂住试下。睇menu每样野都好平，饭同面份量都可以，最贵都只系40几蚊，小食更加唔使讲，佢哋标榜每样都平平哋份量小小地，可以比客人有更多选择叫多啲唔同野试，唔计半只海南鸡，小食最贵都只系$32，最令我惊讶嘅系冬阴功汤：第一次见冬阴功系咁多料，唔辣又香，$48有成五只虾系入面，仲有劲多秀珍菇，我本身唔钟意饮冬阴功，觉得辣得嚟又奇怪。第一次饮咁好饮嘅冬阴功汤，一试真系上瘾，你饮过就明点解我讲到咁夸张😂香蕉煎饼：冇得输，$32大大份好似有14-16件（唔记得咗）香蕉馅好足料，加上炼奶不得了❗️❗️❗️虾饼：正常中上水平🤔酸辣凤爪：唔会太辣，其他洋葱配料都爽脆新鲜，唔知点讲，就系正常，系好食嘅。猪手饭：炆个猪手非常之淋，入味，但份量略嫌少咗啲唔够送饭。个脆猪饭原来系烧肉，真系做到个皮好脆，啲肉下面仲有菜，同样都系份量较少。有叫海南鸡饭，海南鸡份量有成两层咁多，鸡唔肥皮薄肉滑，冇乜脂肪，比起出面60几蚊一个饭真系又抵食又好食好多。无吹水🤭🤤龙眼冰以为系碎冰，点知原来系普通冰粒，但系胜在龙眼肉占个杯三份一，味道唔错。仲有杯泰式奶茶，系正宗嘅
睇menu每样野都好平，饭同面份量都可以，
最贵都只系40几蚊，小食更加唔使讲，
佢哋标榜每样都平平哋份量小小地，
可以比客人有更多选择叫多啲唔同野试，
唔计半只海南鸡，小食最贵都只系$32，
最令我惊讶嘅系冬阴功汤：
第一次见冬阴功系咁多料，唔辣又香，
$48有成五只虾系入面，仲有劲多秀珍菇，我本身唔钟意饮冬阴功，觉得辣得嚟又奇怪。
第一次饮咁好饮嘅冬阴功汤，一试真系上瘾，你饮过就明点解我讲到咁夸张😂
香蕉煎饼：
冇得输，$32大大份好似有14-16件（唔记得咗）
香蕉馅好足料，加上炼奶不得了❗️❗️❗️
虾饼：
正常中上水平🤔
酸辣凤爪：
唔会太辣，其他洋葱配料都爽脆新鲜，唔知点讲，就系正常，系好食嘅。
猪手饭：
炆个猪手非常之淋，入味，但份量略嫌少咗啲唔够送饭。
个脆猪饭原来系烧肉，真系做到个皮好脆，啲肉下面仲有菜，同样都系份量较少。
有叫海南鸡饭，海南鸡份量有成两层咁多，鸡唔肥皮薄肉滑，冇乜脂肪，比起出面60几蚊一个饭真系又抵食又好食好多。无吹水🤭🤤
龙眼冰以为系碎冰，点知原来系普通冰粒，但系胜在龙眼肉占个杯三份一，味道唔错。
仲有杯泰式奶茶，系正宗嘅味道，无可挑剔👍🏻
服务热情，系咁过嚟倾偈，又问我哋好唔好食主动比水比碗，座位唔会话迫，环境舒适，冷气又唔会太冻，墙身仲有街头风设计，坐墙边仲可以打卡，比起联和墟转过某间泰国嘢又贵又普通又要排长龙（都唔知排乜嘢），依家绝对系食泰国嘢嘅首选，佢主打正宗泰国街边小食，Menu上面唔会好多嘢拣，但就正因为咁所以做到样样都好出色，绝对推荐👍🏻👍🏻👍🏻👍🏻🔥🔥❗️
而家除咗嚟联和墟食群记，又多一间我会想系咁食嘅舖头😂
张贴