影片
更多
2022-05-07
1094 浏览
旺角有好大个招牌挂咗喺舖头门口。未入到门口首先要排队。6:30去到，跟住排队大概20分钟左右，就有得入去食。舖头为咗令等待嘅客人比较凉爽，所以就喺出面摆咗个风扇。舖头入面环境比较挤迫，只有一条狭窄嘅走廊俾人行入去。排紧队𠮶阵时就会俾你喺餐单上面拣定你想食啲乜嘢先。我见到呢个绿茶可乐好似好特别，喺其他地方都冇，所以我就拣咗呢个。一入到门口佢就会摆定一支绿茶可乐俾你跟住呢个可乐仲要系好贴心同你开埋，隔离摆咗支饮管。呢个绿茶可乐饮落去有少少茶味，茶味唔算系好重。更加重嘅系可乐𠮶阵味。主角就系上面嘅雪糕拉面‼️辣嘅汤底，配上咸香嘅花生酱雪糕，我竟然觉得都几夹。碗入面嘅叉烧非常肥美，可以见到佢系脂肪比较多。食落去呢觉得口感有少少奇怪。食到落去脂肪系非常之嫩滑，但系如果冇咗脂肪嘅陪衬，净系食瘦肉嘅话，又会觉得煮得唔够冧。配菜系拉面都有嘅芽菜，溏心蛋同埋好特别嘅雪糕仲有花生碎。食拉面之前我咬咗几啖花生酱雪糕，我觉得花生酱嘅𠮶个味系好浓，跟住佢用嘅𠮶个奶又系好绵滑，奶味来讲就唔算浓郁。汤底偏咸辣，雪糕溶落去汤底嘅𠮶下，汤底嘅温度冇因为雪糕而改变到。反而多咗少少奶，令到𠮶个辣味有少少降低咗。但系其他嘅咸味
旺角有好大个招牌挂咗喺舖头门口。未入到门口首先要排队。6:30去到，跟住排队大概20分钟左右，就有得入去食。舖头为咗令等待嘅客人比较凉爽，所以就喺出面摆咗个风扇。舖头入面环境比较挤迫，只有一条狭窄嘅走廊俾人行入去。
排紧队𠮶阵时就会俾你喺餐单上面拣定你想食啲乜嘢先。我见到呢个绿茶可乐好似好特别，喺其他地方都冇，所以我就拣咗呢个。一入到门口佢就会摆定一支绿茶可乐俾你跟住呢个可乐仲要系好贴心同你开埋，隔离摆咗支饮管。呢个绿茶可乐饮落去有少少茶味，茶味唔算系好重。更加重嘅系可乐𠮶阵味。
主角就系上面嘅雪糕拉面‼️辣嘅汤底，配上咸香嘅花生酱雪糕，我竟然觉得都几夹。碗入面嘅叉烧非常肥美，可以见到佢系脂肪比较多。食落去呢觉得口感有少少奇怪。食到落去脂肪系非常之嫩滑，但系如果冇咗脂肪嘅陪衬，净系食瘦肉嘅话，又会觉得煮得唔够冧。
配菜系拉面都有嘅芽菜，溏心蛋同埋好特别嘅雪糕仲有花生碎。食拉面之前我咬咗几啖花生酱雪糕，我觉得花生酱嘅𠮶个味系好浓，跟住佢用嘅𠮶个奶又系好绵滑，奶味来讲就唔算浓郁。汤底偏咸辣，雪糕溶落去汤底嘅𠮶下，汤底嘅温度冇因为雪糕而改变到。反而多咗少少奶，令到𠮶个辣味有少少降低咗。但系其他嘅咸味反而更加突出。溏心蛋个方面都唔错，我见到有啲拉面店，系整到个溏心蛋熟，完全冇溏心呢两个字。
食到最后已经要系咁饮绿茶可乐解辣。
最后我仲试咗一试朋友既海老沾面。被辣汤浸咗个面跟住再去浸一浸海老沾面食落去有种好奇怪感觉。不过呢碗海老沾面个汤底偏油，好多细虾浮左上去。我个朋友见到呢有碗汤底只系食咗一箸就冇食啦。
总体来讲，成餐都几猎奇。
张贴
