花園土耳其餐廳 (已結業)

梅窝呢啲山旮旯地方都唔知有咩好食，未食过土耳其菜，就去试吓，当试新野。完全唔认识土耳其菜，所以就梗系叫个拼盘，胜在乜都有，呢个拼盘有六样菜式，讲真一句食完都唔系真系好似𠮶啲系乜嘢嚟嘅，净系知道大部份都系煎炸热毒，仲有各式唔同嘅酱汁，食完知道自己钟意食边一只酱汁多啲但系都唔知其实系乜嘢嚟嘅。最得意嘅经验就系拼盘里面有两只辣椒，似系煮熟咗嘅青椒咁款，我第一啖咬落去辣到飞起，跟住狂饮汽水都冇用，最少过咗10几分钟先至开始有返味觉。但系朋友食嘅时候就完全唔辣，我哋尝试去揾出原因，原来辣嘅系个籽，大家食嘅时候要小心。另外再叫多个主菜，其实都系一样，食完都唔知系乜嘢嚟嘅。呢一餐话好好食咩唔系，但系未食过都觉得好有新鲜感，大家有兴趣嘅话都可以试吓。仲有就系过咗夜晚10点，店主就会喺门口set炭炉整串烧，都见到好多街坊行过会过嚟买，我就已经饱所以就冇试，但系都觉得己有风味。