太興 (機場一號客運大樓)

营业中

休息中

去完十日旅行返到香港，因为搭廉航无飞机餐食，九点几出左入境大堂好肚饿就揾下有咩食。咁岩见到太兴系附近就食太兴喇。本身谂住食干炒牛河，不过售罄⋯⋯嗌左呢个咖哩牛腩饭。首先佢用个煲仔上碟我觉得好惊喜，因为我以后系碟头，仲要系热辣辣嘅。咖哩汁好香，唔会太辣又有少少辣味，感觉良好。牛腩炆得好腍好好味，佢仲有几旧牛根，都系十分腍又带少少烟韧，劲好食。然后到呢个咕噜肉，相对无咖哩牛腩咁好食，不过佢算好唔错。啲肉唔会好多粉，炸得个皮好脆之余，里面嘅肉好腍。整体而言，一直以为机场嘅餐厅会特别难食，点知一返到香港就有惊喜。虽然价钱贵左啲，不过机场食嘢特别贵是常识吧，重点系佢好食！绝对推介比落机肚饿想食返中式饭嘅朋友！