田家雲南米線

营业中

休息中

一向都知道大埔多好东西吃，上星期经过南盛街，见到呢间装潢整洁，外观漂亮嘅米线店，咁啱午餐时间，就马上冲入去试下。一行六人，点了腌青瓜，皮蛋，蒜泥白肉，春卷，小窝米线，捞米线，同大碗过桥米线。过桥米线份量真系好大，三个女仔可以分一碗份量啱啱好，而我嘅小窝米线，其中一个𩠌系云南金华火腿，师父切得薄薄的，少少咸香，而且够哂咬口，未见过米线店有提供咁正嘅𩠌，好惊喜！同埋呢间店嘅米线好特别，比较幼，可能呢个关系，索汤特别好，小辣啱晒我呢啲唔系成日食辣而又想试嘅人。仲有，之前食大连锁店之后，好鬼口渴，可能啲小食落行味精，呢间小店完全无呢个问题，食完无需要饮水！总言之，呢间小店用心制作，值得支持！