混亂 STEAK (已結業)

今日约咗同事去试食依间个牛柳，之前听佢地话都唔错几好食...今日未够12点大家就去到等位等佢开工，点知个铁板根本就唔够热...汁加上去都无咩反应...食落个牛柳就一般，生熟度都可以接受，但只是暖暖的...铁板唔够热非常失败...好快我嘅牛柳已经无热嘅感觉，口感未至于好软，牛味都麻麻...唔觉好重牛味...总体嚟讲都系令人好失望，用$111食lunch谂住可以食到个有点质素嘅牛柳，点知非常失望😞重点系我最怕食物唔够热....后来听我同事讲佢地无之前新开咁好食，水准差咗好多，佢个份都同我一样...好似话之前做开嘅人调哂去第二间新铺，所以而家转哂新人嚟...食物质素同煮食都唔得...重点系我地都等咗好耐先有得食，但竟然都系铁板唔够热...一攞时重见到牛柳上嘅蒜蓉掉哂落个托盘到...好求其好唔得！同事都话唔怪得而家少咗咁多人食...原来食物质素差咗好多！只想讲一句，无下次！