紫荊閣 (已結業)

🧆怀旧粤菜 #紫荆阁-🔸冬瓜盅🔸时菜炒斑球🔸叫化鸡（一只）🔸八宝鸭（半只）🔸百鸟归巢🔸虾多士🔸莲蓉寿包（半打）🔸莲蓉西米焗布甸🔹另收加一服务费.早排同班好朋友倾开谒发现我哋识咗十几年都未一齐食过高级酒楼，就上网揾咗几间，有啲出名嘅想食但full booking，就book咗依间紫荆阁试吓先。怀旧粤菜听就听得多喇，但今次都系第一次食，首先叫咗个晚市孖宝，有冬瓜盅再自选指定小菜一款，我哋就拣咗时菜炒斑球，时菜都可以自选就拣咗西兰花。冬瓜盅🍲好清甜好啱夏天饮，一盅够晒我哋六个女仔每人饮咗2-3碗。而炒石斑🐟有8块鱼，都几大旧，味道就不过不失。叫化鸡即系「乞衣鸡」🐔，我细细个就听过依个名喇，食都系第一次。一出场好似一旧石咁，然后可以自己卜碎佢，打开里面就系一只焗鸡，肚里面仲酿咗啲云耳、冬菇同金针，鸡肉味道几好有少少荷叶味，内饀就有少少过咸。想试记得要早一天预订先食到。虾多士🦐🍞炸得几脆，虾都大大只，记得配埋酸甜酱可以解少少油腻感。之后到百鸟归巢🥙，一个炸薯仔丝砌成嘅「鸟巢」里面放咗好多唔同材料，有鹌鹑蛋、腰果、鱼粒、鲜虾、带子、西芹、虾干等等。好多款材料，都几好味，但腰果淋咗唔脆好可惜！最后主