6
6
6
等级3
80
1
2014-08-04 467 浏览
农历大年初三,屋企唔洗去拜年,打算同旧同学一齐去南生围行下,呢个地方其实十年前都想去,早上到天后巴士总站搭过海隧道巴士入元朗之前,去左附近o既麦当劳食早餐本人好少机会食麦当劳早餐,真系一年都未必有机会食到一次,扭扭粉系有o的转弯o既通粉,形状几特别,又只限早餐供应,当日唔知几时先行完南生围,所以就谂住食得丰富o的,第一次食扭扭粉啦!呢间麦当劳地下系收银处,座位全部o系二楼,我地先上去揾位,再落黎买野食记得麦当劳宣传话有十二款扭扭粉,真系花多眼乱,其实系两款粉,两款汤,三款𩠌,就可以组合成十二款唔同配搭,扭扭粉可以选择普通扭扭粉或者加$2要新出o既芝士扭扭粉,至于汤可以选择原味或猪骨汤味,三款𩠌系猪柳蛋,板烧鸡腿及火腿扒蛋唔知职员系唔系新入职,又或者系农历新年o既替工,竟然搞唔清早餐时段有冇得卖扭扭粉,一时又话冇,转头问过第二位职员又话有得卖,我要左一个鸡汤汤底o既猪柳蛋芝士扭扭粉套餐,配脆薯饼及浓香咖啡,另外我有妈咪会会员证,可以获得一杯细橙汁猪柳蛋芝士扭扭粉有一块猪柳,一只煎蛋,仲有溶左o既一片芝士扭扭粉其实系有坑纹o既通粉,不过形状几得意,适合小朋友食,芝士扭扭粉有几浓既芝士味,本
更多
农历大年初三,屋企唔洗去拜年,打算同旧同学一齐去南生围行下,呢个地方其实十年前都想去,早上到天后巴士总站搭过海隧道巴士入元朗之前,去左附近o既麦当劳食早餐

本人好少机会食麦当劳早餐,真系一年都未必有机会食到一次
,扭扭粉系有o的转弯o既通粉,形状几特别,又只限早餐供应,当日唔知几时先行完南生围,所以就谂住食得丰富o的,第一次食扭扭粉啦!


呢间麦当劳地下系收银处,座位全部o系二楼,我地先上去揾位,再落黎买野食

记得麦当劳宣传话有十二款扭扭粉,真系花多眼乱,其实系两款粉,两款汤,三款𩠌,就可以组合成十二款唔同配搭
,扭扭粉可以选择普通扭扭粉或者加$2要新出o既芝士扭扭粉,至于汤可以选择原味或猪骨汤味,三款𩠌系猪柳蛋,板烧鸡腿及火腿扒蛋

唔知职员系唔系新入职,又或者系农历新年o既替工,竟然搞唔清早餐时段有冇得卖扭扭粉
,一时又话冇,转头问过第二位职员又话有得卖,我要左一个鸡汤汤底o既猪柳蛋芝士扭扭粉套餐,配脆薯饼及浓香咖啡,另外我有妈咪会会员证,可以获得一杯细橙汁
25 浏览
0 赞好
0 留言
猪柳蛋芝士扭扭粉有一块猪柳,一只煎蛋,仲有溶左o既一片芝士

扭扭粉其实系有坑纹o既通粉,不过形状几得意,适合小朋友食,芝士扭扭粉有几浓既芝士味,本人认为值得俾多$2转做芝士扭扭粉
,呢碗扭扭粉份量唔算少,又够热,味道几好

碗粉仲有红萝卜及洋葱粒等配菜,真系丰富,食碗粉饱肚过食一个包


套餐有薯饼一块,冇乜特别,一样都系炸得香脆,好味道!

当日系年初三早上,估唔到有几多客人帮衬,附近有间酒店,唔少强国人黎食早餐


原来扭扭粉早餐系香港麦当劳首创,迎口香港人味道,等大家唔一定要到茶餐厅先食到通粉

唔知下次再去麦当劳食早餐,又会系几时呢?
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2014-02-02
用餐途径
堂食
人均消费
$30 (早餐)