普洱 (已結業)

平日多数都系大霸街果间主舖，今次第一次黎食呢间分店，带埋老豆黎撑台脚，因为老豆钟意食类似碟头饭，老豆点左个茄汁猪排饭，我就叫左个山珍牛肉砂锅米线，再加 $8 叫左碟生菜黎补充下纤维。上菜速度劲快，老豆大赞佢个猪排饭，话 d 汁好多好岩佢口味，猪排又好淋好易食，好香口，我试左半块，的确系几好。我个砂锅米线，我好钟意呀，因为个砂锅一上菜系热辣辣，个米线汤自己仲起紧泡泡滚紧，然后牛肉份量足，又惹味，唔会痴牙，佢应该加左 d 芝麻油，令到成碗野有种芝麻香，好岩我口味，米线就偏淋少少，但我并不反感，呢个价钱都算系交足货了。然后个菜既份量$8黎讲都好 ok 了。我杯蜜桃绿茶都好好饮呀，整体而言，感觉良好