潮式腸粉家菜館 (已結業)

睇完网上一篇有关皱皮肠粉食评介绍呢间潮式肠粉，据闻旧店喺当区有点名气，难得佢喺太子开咗新店，所以今日我特登来试试。成间店得几张大圆台，所以一定会搭台，而每一台都有人order呢个潮式肠粉呢。潮式肠粉主餐牌系$45，而午市就$42配埋饮品，可拣豆浆/罗汉果水/薏米水。另外我order咗午餐嘅沙茶蚝仔面餐($39)。潮式肠粉即叫即整要等，蚝仔面先登场。蚝仔面嘅味道有喜出望外，蚝仔size ok份量足有鲜味，面爽，但汤底略赚有点过咸。后来潮式肠粉来到，我觉得肠粉变咗配角。潮式肠粉颇大碟，皱纹肠粉内系冇肉的，有好似沙嗲酱味道嘅酱汁，烟韧嘅肠粉里面有鸡蛋、芽菜、生菜、冬菇。本身我唔系好识食潮州野，所以我唔太识欣赏。我听到对面有位女士问佢身边嘅男士「似唔似你乡下食嘅？」𠮶个男士冇答到Btw, 罗汉果水同美味嘅蚝仔为我今日嘅午餐添分了。