小火山 (已結業)

朋友介紹咗另一間好熱門嘅泰式烤鍋店，可以同時燒烤以及打邊爐，聽落去好特別，所以就好想去試吓。🤩首先，我哋點咗泰國烤鍋，湯底揀咗小火山牛骨船湯，用牛骨熬製數小時嘅湯底非常濃郁，加入多種香料和藥材調製更加入味，而且仲好養生。另外一個湯底我哋揀咗香茅椰汁雞湯，食得出絕對係用新鮮雞肉熬製，清甜嘅椰汁和微酸嘅泰國青檸好夾，入口順滑又清爽。🥥呢度嘅蝦片係任食嘅，烤鍋本身附送一碟肉類拼盤，有千歲米豚肉眼、伊比利亞黑毛豬梅肉、A級豬腩和泰式豬頸肉等。豚肉係來自北海道，肉質好嫩，無論燒烤定打邊爐都好適合，豬腩係來自波蘭，肥瘦適中，豬頸肉都好爽脆。除此之外之，我哋仲點咗泰式豬梅花肉片，喺經典嘅菜式，中間有雞蛋黃。🐖小火山三味刺身一口杯盛合都好正，生蠔口感順滑，三文魚油香豐富，生蝦新鮮，配上特製的泰式醬汁酸辣開胃。🦪