梨巴王子甜品棧 (已結業)

一直都想试下呢间甜品店，但成日想去果阵都系冇开门。今次见到有开门，特地去试下。原来佢地系逢星期三休息。叫左绿茶雪花冰、芋头雪花冰、咖啡奶冻。佢地d雪花冰系用碟装，食果阵有D狼狈。绿茶雪花冰食落去粉粉地，食得出佢地系用几cheap嘅绿茶粉整。芋头雪花冰唔系度度都有，但一食落，就知大镬！一d芋头应有嘅啖香味都冇，唔知用咩整。成阵烟灰味咁，斋闻到都已经唔开胃。食左几啖反晒胃，直情想呕咁济。从未食过咁怪味嘅雪花冰，口感一D都唔绵，好少雪花冰会咁难食。咖啡奶冻卖相几可爱，但结果一样，咖啡味浓到苦 。食左一半就已经食唔落去。唔明点解咁嘅甜品店可以维持咁耐都唔执粒！