常溫

营业中

休息中

前几日睇社交平台见推介呢间古法拿破仑，话整饼师傅年纪大，应该明年1月左右唔会再制作出售。由于从未试过招牌古法拿破仑，谂住衬weekday过嚟SPK食lunch时想买一件，但1点半左右已好多人排队买，有啲人夸张到一口气买4至6件，未排到自己已经卖哂，估唔到平日lunch hour都买唔到。店舖职员话可以预订，于是俾咗29蚊预留咗1件响2023年12月24日下午2点取货。今日取货𠮶阵唔洗等，俾飞仔已即时取货，拎完就行咗附近企埋一边响条街食，拿破仑食落系好松脆，每层都有适量忌廉，对我嚟讲有少少甜，但未算过甜，合桃粒份量较少，无想像中好食，可能本身社交平台过份吹捧，令人有太大期望，但食落其实好一般，唔会难食，又唔系十分好味，试一次够了。