影片
更多
2019-11-28
1011 浏览
之前一直冇食过自助式嘅石烧牛扒，因为定价唔平，得嚿扒自己烧，先唔讲无任何烹调技巧可言，而且仲觉得唔会用上什么靓肉俾你。但朋友话真系好想试😂，叫我陪佢食晏try try。难得星期五就出去旺角食，上网一search石烧牛就见到”🗿石石石牛牛牛🐮”呢个名，就俾佢吸引咗哈哈，餐厅位置其实都几近太子始创𠮶边。店员姐姐喺门口落力宣传，一入去原来就要点餐同比钱先，再揾位坐等取食物。餐厅基本上系全自助模式，老实讲都几方便。餐厅主要就系食牛扒，但lunch time都有提供石锅饭，多个选择。不过我哋一早都决定咗要牛扒🥩㗎喇，呢到主要分3种牛，分别系磊牛扒、牛肩肉同西冷牛扒，每只都可拣200g、300g或400g，我对重量呢方面无乜概念😂。我哋要咗一份300g牛肩肉($110)同一份200g西冷牛扒($128)，西冷就算细嚿啲都贵过大嚿啲牛肩肉👀。而食完后我发现一分钱一分货系无错嘅，西冷系明显好食啲，牛味浓郁！但牛肩肉都几好，系有少少边位韧咗啲。两嚿肉都比我想像中好食，就算无点酱都唔会话无味，但当然有酱好食啲，点烧汁好正，送饭一流😋。300g牛肩肉非常厚身高身啊，好彩牛扒一出时厨已经将外层煎得熟啲，如果唔
之前一直冇食过自助式嘅石烧牛扒，因为定价唔平，得嚿扒自己烧，先唔讲无任何烹调技巧可言，而且仲觉得唔会用上什么靓肉俾你。但朋友话真系好想试😂，叫我陪佢食晏try try。
难得星期五就出去旺角食，上网一search石烧牛就见到”🗿石石石牛牛牛🐮”呢个名，就俾佢吸引咗哈哈，餐厅位置其实都几近太子始创𠮶边。店员姐姐喺门口落力宣传，一入去原来就要点餐同比钱先，再揾位坐等取食物。餐厅基本上系全自助模式，老实讲都几方便。
餐厅主要就系食牛扒，但lunch time都有提供石锅饭，多个选择。不过我哋一早都决定咗要牛扒🥩㗎喇，呢到主要分3种牛，分别系磊牛扒、牛肩肉同西冷牛扒，每只都可拣200g、300g或400g，我对重量呢方面无乜概念😂。
我哋要咗一份300g牛肩肉($110)同一份200g西冷牛扒($128)，西冷就算细嚿啲都贵过大嚿啲牛肩肉👀。而食完后我发现一分钱一分货系无错嘅，西冷系明显好食啲，牛味浓郁！但牛肩肉都几好，系有少少边位韧咗啲。两嚿肉都比我想像中好食，就算无点酱都唔会话无味，但当然有酱好食啲，点烧汁好正，送饭一流😋。
300g牛肩肉非常厚身高身啊，好彩牛扒一出时厨已经将外层煎得熟啲，如果唔系，太厚自己烧，未必烧得熟。但都建议一开始切哂成块扒先食，免得块石冻咗😛。
西冷牛扒
$128
14 浏览
0 赞好
0 留言
200g西冷就真系切时已经觉得块扒几好，无牛肩肉咁厚，但其实呢个份量都已经好够食。最开心系将牛扒切哂一粒粒后，最后先食𠮶啲都无因为长期放喺嚿石上变到过熟同鞋口👍。
除咗牛扒外，沙律、前菜、汤、饭同饮品都系任饮任食，自己服侍自己就得😎，本住乜都试少少，因为觉得应该唔会太好食。但每样嘢都比想像中出色，汤唔会太味精同有好多紫菜，而🍚饭就够软熟同用上珍珠米，最紧要系2样都够热。腌萝卜同泡菜都几好，沙律就无试。
呢到好好有埋饮品，湿下个口都好丫，有绿茶粉🍵同3款冻茶，味道就普通啦，偏淡唔甜，洛神花山渣茶会好啲，冻绿茶就唔太推介。
总括嚟讲，呢次系我第一次食石烧牛嘅体验，各方面都比我想像中好。🥩牛扒质素唔错，对自助嘅食物亦都满意。餐厅环境干净，自助区都无话四周系水系食物，另外仲有围裙俾食客用。不过座位比较窄，如果对面都有坐客人呢，就未必放得哂啲碗呀杯呀𠮶啲，但都可接受的，因为预咗嚟呢到系食嘢，唔系坐几粒钟𠮶啲餐厅。价钱方面，西扒比较贵，另外2款就ok，毕竟嚿肉好大，有汤有饭。有机会都想再食下，同时亦令我无咁抗拒石烧牛！
张贴
