影片
更多
2019-04-08
143 浏览
去深水埗玩完夹公仔，顺便想睇下附近有啲咩好嘢食，唔系特别想食米线，但又想食麻辣汤底，见到呢间个名几得意就嚟咗。地点好方便，好近西九龙中心。去到坐低，环境好干净阔落。香港应该得呢度有米苔目食，老板娘好热心介绍唔同小食，本身我哋想要两碗但系都系谂住试多啲佢唔同嘅小食。米苔目个口感好特别，食落好滑又好轻身，无好粉嘅感觉，雪一啖就食咗好多粒，好令人上瘾，未试过嘅人一定要试吓。佢推介猪骨汤底，但我地始终最爱麻辣汤底，汤底味道唔错，够味够麻辣！（我地要中辣）我地比较贪心，叫咗鸡肉，豆卜，墨鱼丸，木耳同粟米猪肉饺。粟米猪肉饺好足料，可惜我影得唔够好，老板娘介绍𠮶时都有讲过皮比较厚，食落真系有粒粒粟米。鸭肉系佢嘅推介，咁我哋要咗麻辣鸭肉，啖啖鸭肉一啲都唔老唔鞋，味道好够好醒胃，份量又够多。麻辣皮蛋都处理得好好煮得啱啱好，又入味，因为皮蛋好易煮到好老好un。香煎脆皮肉饼，本身惊剪煎得好油腻，但食落唔觉，个皮脆卜卜，入边啲肉好juicy，必食之一Q弹豆腐系我嘅最爱，系好特别，唔知道点解佢可以做到咁弹口，同一般豆腐好唔同，又有啲似面筋嘅感觉，系必试推介，下次如果一个人来食都要叫！最后好想推介系呢个日本樱花可
香港应该得呢度有米苔目食，老板娘好热心介绍唔同小食，本身我哋想要两碗但系都系谂住试多啲佢唔同嘅小食。
米苔目个口感好特别，食落好滑又好轻身，无好粉嘅感觉，雪一啖就食咗好多粒，好令人上瘾，未试过嘅人一定要试吓。佢推介猪骨汤底，但我地始终最爱麻辣汤底，汤底味道唔错，够味够麻辣！（我地要中辣）我地比较贪心，叫咗鸡肉，豆卜，墨鱼丸，木耳同粟米猪肉饺。
粟米猪肉饺好足料，可惜我影得唔够好，老板娘介绍𠮶时都有讲过皮比较厚，食落真系有粒粒粟米。
鸭肉系佢嘅推介，咁我哋要咗麻辣鸭肉，啖啖鸭肉一啲都唔老唔鞋，味道好够好醒胃，份量又够多。
麻辣皮蛋都处理得好好煮得啱啱好，又入味，因为皮蛋好易煮到好老好un。
香煎脆皮肉饼，本身惊剪煎得好油腻，但食落唔觉，个皮脆卜卜，入边啲肉好juicy，必食之一
Q弹豆腐系我嘅最爱，系好特别，唔知道点解佢可以做到咁弹口，同一般豆腐好唔同，又有啲似面筋嘅感觉，系必试推介，下次如果一个人来食都要叫！
最后好想推介系呢个日本樱花可乐同日本绿茶可乐，出面好似卖到好贵，呢度$25算值， 个味道好特别，樱花味同绿茶味都够，樱花味甜但唔会过分，绿茶味有少少似酒，平时绝对谂唔到呢两样野可以做可乐，配埋啲麻辣小食简直系味觉嘅冲击。
平时系冬瓜茶爱好既我地试埋冬瓜茶，少甜就够，出面好少可以做到少甜，我地可以扮下健康饮少甜
我地两个食到好似放题咁，试哂佢啲小食真系好满足，样样都好惊喜，两个人来食可以好似我地咁，清哂碟咁样走
张贴
