花月庭 (已結業)

一家四口去咗旺角帝京酒店花月庭食自助午餐，连加一$2711位。 服务环境方面，服务好正常，食完收碟都好快，平日都好多人食呢间自助餐就有d惊讶，如果唔book应该冇得食。食物种类方面，基本沙律菜、茶一定有，海鲜会有墨鱼仔、虾、蓝青口等，仲有即开生蚝，本人系唔食生野，身边同伴话生蚝都ok,呢个价位有生蚝算唔错。刺身同寿司都有几款，味道正常。热食方面，会有基本粉面、粥。但热盘款食真系好普通，有d失望。例如：咖哩鸡、鱼香茄子、腩肉炒西芹、蒜蓉蒸鱼柳、忌廉意粉、椒盐三文鱼、所以食自助餐尼讲吸引唔到我拎好多，好快就唔想拎。而且佢又冇pizza,点心得珍珠鸡，好似真系款式小左d。甜品方面，呢到甜品有好多选择，而今次自助餐系用芒果做主题，所以都有好多芒果甜品，我都拎左差唔多全部同朋友仔share食，个人觉得味道都正常，但未到好有惊喜，咁多样甜品我觉得芒果伯爵茶拿破仑最好食。除左蛋糕外，呢到都有movenpick雪糕任食。所以我今次食自助餐食得最多系甜品😂😂😂整体尼讲，$271连加一呢个价位同食物质素正常。如果想简简单单又唔想太贵食自助餐，呢到都系一个值得选择地方。