影片
更多
2021-01-15
1206 浏览
食因：以往成日系讨论区入面一讲起米线都有云桂香既身影，而小弟正正系一个热爱米线又无辣不欢嘅人，加上近日学校附近将会开分店，系未开之前想去试下，所以一放学就本着好奇和朋友9冲去食啦。优点：1.够辣！！！（汤底入口第一啖好有惊喜，哽口得嚟有种「哗！几有趣既感觉」，但麻的部分就欠奉）2.食完唔会觉得好腻(各花有各眼，每个人对腻嘅定义唔同）3.奶茶唔错，甜度啱啱好4.餐厅环境尚算良好缺点：1.辣味好快厌（得第一啖有惊喜，正常面应该愈食愈辣，而第一啖和最后一啖应该有不同的感觉。辣椒同不同香料嘅结合理应造就一种与众不同的汤底，但系呢碗愈食愈平淡亳无特别，到最后甚至觉得难食，得返辣呢种舌尖上既刺激。咁我食辣椒好过啦！！）2.贵（在同区既餐厅嚟讲价格定位相对高。E.g.猪颈肉同埋肥牛都要加15蚊既真系揾唔到）3.麻辣只辣唔麻4.侍应服务态度欠佳总结：老实讲我系个啲系辣就收货既人，第一次食完辣野咁失望，而朋友都觉得相对普通，完全冇再去食既冲动。朋友食小麻辣，我食劲麻辣都食唔到个种嘴唇麻痺嘅感觉，一碗唔麻叫意外，两碗唔麻叫实在。另外，如果话汤底系一碗面既精髓，咁好既𩠌菜就系令一碗面画龙点精既存在，单调既汤
以往成日系讨论区入面一讲起米线都有云桂香既身影，而小弟正正系一个热爱米线又无辣不欢嘅人，加上近日学校附近将会开分店，系未开之前想去试下，所以一放学就本着好奇和朋友9冲去食啦。
优点：
1.够辣！！！
（汤底入口第一啖好有惊喜，哽口得嚟有种「哗！几有趣既感觉」，但麻的部分就欠奉）
2.食完唔会觉得好腻
(各花有各眼，每个人对腻嘅定义唔同）
3.奶茶唔错，甜度啱啱好
4.餐厅环境尚算良好
缺点：
1.辣味好快厌
（得第一啖有惊喜，正常面应该愈食愈辣，而第一啖和最后一啖应该有不同的感觉。辣椒同不同香料嘅结合理应造就一种与众不同的汤底，但系呢碗愈食愈平淡亳无特别，到最后甚至觉得难食，得返辣呢种舌尖上既刺激。咁我食辣椒好过啦！！）
2.贵
（在同区既餐厅嚟讲价格定位相对高。E.g.猪颈肉同埋肥牛都要加15蚊既真系揾唔到）
3.麻辣只辣唔麻
4.侍应服务态度欠佳
总结：
老实讲我系个啲系辣就收货既人，第一次食完辣野咁失望，而朋友都觉得相对普通，完全冇再去食既冲动。朋友食小麻辣，我食劲麻辣都食唔到个种嘴唇麻痺嘅感觉，一碗唔麻叫意外，两碗唔麻叫实在。另外，如果话汤底系一碗面既精髓，咁好既𩠌菜就系令一碗面画龙点精既存在，单调既汤底（可能得麻辣系咁啦）加上毫无特色的配菜令我觉得真系可一不可再。希望下次有机会去既时候，啲𩠌会畀到我惊喜。
劲辣肥牛猪颈肉小锅红薯粉
$66
44 浏览
0 赞好
0 留言
张贴
