雲桂香米線專門店

营业中

休息中

事不過三，唔寫衰你其實已經好俾面你。今日我真係要話俾所有人知你哋舖頭係點樣做嘢：呢間雲桂香我堂食都已經好多次起碼有40次。由2020年食到2024年，差唔多斷斷續續幫襯咗四年，基本上初頭嚟食冇乜問題，人好正常，食物好正常。唔敢講好好食，但入得我口。近呢兩年唔知係咪廚房轉左人，10次幫襯有7次都嚟錯，錯嘅內容包括：比錯餸，比漏餸，叫咗走配菜佢冇走到，比錯嘢飲，最離譜一次發生喺上個月(2024年9月)，嗌米線佢俾咗米粉我，你覺得做廚房係咪MDGLFG?我幫襯咗咁多次，唔敢講係一個VIP，真係粗略統計10次幫襯有7次都賴嘢，我都知樓面同收銀受咗我好多氣，因為我次次都係同樓面同收銀開刀，我永遠唔知廚房係乜嘢人。有一次廚師走出嚟，哈哈笑話睇唔到張單，完全唔知自己做錯。你比咁嘅服務質素我，你轉頭return碗嘢入返廚房，整走啲配菜，加返個餸，換返個麵底，做多咗功夫，有咩謂呢？好坦白講，收銀嗰個都認得我，都知道我入親嚟都賴嘢。你啲指令都做唔到上傳下達。好多時坦白講公道講樓面嗰個係入啱單佢冇做錯，只不過係廚房人員對客人點選的菜式有著獨具慧眼的理解。最後一句，事不過三，冰封三尺非一日之寒。我已經容忍咗好

這家餐廳的服務可以說是令人極度失望，工作人員的態度冷漠，仿佛對客人的需求視而不見。點菜時，反應緩慢，而且在處理我們的問題時顯得不耐煩，讓人感到不受尊重。更糟糕的是，食物的品質遠遠低於期待，等左半個鐘，米線是硬的。口感和味道都讓人難以下口。整體來說，這不僅是一家服務差的餐廳，食物的品質也讓人極度不滿意。

今日夜晚入左來屯門, 見到自己也肚子餓, 去左依度吃, 佢沒有尖沙咀分店的魚湯同魚米線, 叫左通菜螺旋藻豬軟骨紅薯粉, 要左小小辣, 等左一陣送來, 份量好足😆 比好多通菜, 螺旋藻今次食就有少少腥味😅 豬軟骨也炆得好淋又入味😋 d湯有味但不算好辣亦唔係太飲到酸味, d湯真係幾滾😜 要吹下先食到d薯粉, 薯粉份量也幾多, 味道不錯, 唔會好淋👍😸 入面碗粉有好多韭菜芽菜亦有d芫茜蔥和一些酸菜, 食落幾舒服😛😜 味道不過不錯, 亦不算太貴🤭 依間唔收八達通, 大家要留意😅

呢間雲貴香米線專門店，係新墟仁政街，即廚房佬餐廳隔離，大福珠寶對面，距離新墟街市同市中心都好近，由屯門站行幾分鐘就到。雖然呢間米線開咗好多年，但內籠裝修算乾淨企理。附近人流好旺，不過我住屯門咁耐都無食過。今次經過就入去試吓。我叫咗一個腩肉小鍋米線（中辣），加埋一杯凍檸茶，埋單嘅價錢係46元。價錢合理。米線口感還可以，冇太軟太硬嘅感覺，個人認為湯底夠辣，但略微有少少鹹，份量好足夠，配料都算多，味道不錯。至於飲品，就係一杯普通嘅凍檸茶，冇什麼特別嘅地方。值得讚係幫我落單個姐姐好有禮貌，服務態度好好。呢間米線店係一個值得試下嘅地方，特別係如果你係屯門嘅居民。食物質素唔錯，服務態度亦好好，價錢亦合理。有機會嘅話會再幫襯。

豬扒整得太難食   又老又柴 好失望    籮白還可以 湯好淡 價錢貴  份量小 荃灣好食好多 屯門一定唔會再去幫襯 師傅完全唔掂 整得咁差都可以比人食 好似唔洗比錢 我仲專登去食 浪費時間和金錢 收得這個貨錢 就要比番d成意啦

今次食雲桂香既小鍋米線加腩肉同蘿白，中辣 腩肉入味，蘿白鮮甜，配上中辣湯越食越過癮，米線份量適中 ，不過腩肉連骨，肉比較少。整體味道80分，鐘意食米線既朋友值得一試。溫馨提示：平時我食譚仔小辣 今次食雲桂香中辣 有d 勉強。

好鍾意食酸辣米線，耐不耐就諗起會食一次雲桂香米線黎講都算多分店係我住附近都有一間都食左好幾年，味道保持得ok，份量就有所減少今次就叫左腩肉、豬耳、蘿蔔酸辣米線（微辣）$62 分湯腩肉份量足，好味夠淋豬耳爽口，食落嚓嚓聲蘿蔔夠淋有咬口微辣唔算辣，辣味好少食完就過足癮

雲桂香（Tuen Mun)小編又一中學回憶💭 就算夏天熱辣辣🔥都好想食一碗嘅人氣王「小窩米線」🍜 今日就黎回味下～😎😎⌖ 小窩米線（豬軟骨，不辣）🍜💰$31 + $9小窩米線湯底酸酸地 好啱香港人口味 夠開胃😙😙 配菜有芽菜、酸菜、韭菜、芫茜 米線好滑身 吸曬湯底嘅味道 好食😋 豬軟骨好無食就好靠運🙏 試過食到好硬好老嘅豬軟骨 今日果五件都OK 軟骨位置有膠質 其他餸方面唔想食辣嘅都推薦揀豬扒 好好件都幾出色㗎！😌☻ 回頭指數：7/ 10 #Fatshit_ami #Lunchtime #屯門美食 #港式美食 #食好細 #香港美食 #中式美食 #中式米線 #港式米線 #小窩米線 #雲南米線 #豬軟骨小窩米線 #重慶酸辣粉

🤰🏻最近壓力大，生活忙碌，放咗工都無心無力煮飯，辛苦咗成個星期，星期五更加要好好對待自己，罷煮！出街食！壓力大，最啱食辣嘢舒緩，我同老公都係米線控🍜，於是我哋嚟咗我哋最鍾意❤️嘅米線舖top 3🥇🥈🥉之一—雲桂香撐枱腳🍽。今晚叫咗酸辣小窩米線加紫菜（中小辣）$38，最近愛上紫菜，愛上佢吸晒湯底啲精華，超惹味！一直好欣賞雲桂香嘅湯底，濃郁有層次，辣味好香，雖然好唔健康，不過真係忍唔住要飲幾啖！米線軟硬度適中，叫咗多芽菜，口感更佳。另外我哋叫咗個小食—炸蝦卷🍤$28，雖然有啲貴，不過好香口，加埋泰式辣醬真係食過返尋味。好滿足嘅一餐！

我住附近所以成日都會經過新墟，平時諗唔到食乜就會食雲桂香，都食咗好多年啦，佢個湯底次次食都係好正！最鍾意食腩肉小窩米線又平又好食！食極都食唔厭！如果佢啲米線再多番啲就好啦！薯粉嗰啲都好好味！

“雲桂香”屯門呢個鋪位已經好多年，之前學生時期喺屯門返兼職嘅時候就已經開始食佢嘅米線，個人覺得比起幾年前水平係有少少下降😢小鍋米線(麻辣小辣+ 腩肉豆卜)$55（連飲品）😋指數⭐️⭐️⭐️/5️⃣米線係幼嗰種偏淋身，個湯底雖然係叫麻辣但係都會有一陣酸菜味，腩肉係雲桂香比較出名嘅餸，但個人覺得就係水平下降得最勁嘅食品，前幾年食佢個腩肉係醃得好入味，就算浸喺湯入面都唔會話無味，但裝修完再返去食就覺得啲腩肉肥咗同埋放咗落個湯度就冇咗嗰種麻辣味😢凍檸七🥤值得一讚嘅係普通平時跟餐嘅嘢飲就加$6，但凍檸七因為係特飲就貴少少，呢到嘅野飲夠曬大杯，食辣野一流👍🏻👍🏻

食左10幾年，以前一星期食幾日，平靚正依家幾個月食一次，但每次食都覺得失望，價錢加左可以接受，但加價份量越來越少，以前食唔晒，依家係唔飽，味道都無以前甘好味，可唔可以改善下？唔想以後少左個回憶飯堂，下次比最後一次機會你，如果無變，都係時候要講bye bye

以前真係好鍾意食呢間，附近返工嘅時候，幾乎每個禮拜都必食。但自從裝修完之後，味道就變得好隨機。裝修完第一次食嘅時候就覺得差咗，之後過黎食都係一時好一時差，幾乎5次有3次都唔好食。一次比一次失望，我同我朋友都係咁覺。對上一次食已經係3月18號個日，唔知個師傅咩事？俾咗兩份米線嘅份量我，然後勁難食，我真係第一次食到咁難食嘅米線，攪到我完全唔想食呢間，依家轉去食譚仔。實在太失望，特登過來評價，希望老闆可以見到，穩到原因

食因：以往成日係討論區入面一講起米線都有雲桂香既身影，而小弟正正係一個熱愛米線又無辣不歡嘅人，加上近日學校附近將會開分店，係未開之前想去試下，所以一放學就本着好奇和朋友9衝去食啦。優點：1.夠辣！！！（湯底入口第一啖好有驚喜，哽口得嚟有種「嘩！幾有趣既感覺」，但麻的部分就欠奉）2.食完唔會覺得好膩(各花有各眼，每個人對膩嘅定義唔同）3.奶茶唔錯，甜度啱啱好4.餐廳環境尚算良好缺點：1.辣味好快厭（得第一啖有驚喜，正常麵應該愈食愈辣，而第一啖和最後一啖應該有不同的感覺。辣椒同不同香料嘅結合理應造就一種與眾不同的湯底，但係呢碗愈食愈平淡亳無特別，到最後甚至覺得難食，得返辣呢種舌尖上既刺激。咁我食辣椒好過啦！！）2.貴（在同區既餐廳嚟講價格定位相對高。E.g.豬頸肉同埋肥牛都要加15蚊既真係搵唔到）3.麻辣只辣唔麻4.侍應服務態度欠佳總結：老實講我係個啲係辣就收貨既人，第一次食完辣野咁失望，而朋友都覺得相對普通，完全冇再去食既衝動。朋友食小麻辣，我食勁麻辣都食唔到個種嘴唇麻痺嘅感覺，一碗唔麻叫意外，兩碗唔麻叫實在。另外，如果話湯底係一碗麵既精髓，咁好既餸菜就係令一碗麵畫龍點精既存在，單調既湯

下午4點零去食，都仲係咁多人幫襯。點左$28小鍋米線微辣，加$9腩肉，飲凍好立克，加$4。等左5分鐘就上齊米線同杯凍飲，非常有效率。腩肉份量OK，真係好好食，好香油脂味！不過米線份量就少d湯底同酸菜都好掂啊！會回頭之前都食過幾次，但係今次覺得比以往進步左，好食左！希望質素一直有提升。特別一讚的腩肉~~而且座位坐得寬闊，唔會覺得逼。枱之間有好高的透明隔板間開，食得好放心。整體都唔錯~樓面姐姐都溫和有禮，落單、出餐俐落快手。