稻成 (新城市廣場一期)

营业中

休息中

今次系第一次过黎食，一入黎个餐厅环境都好整洁好舒服，今日人比较少，经理就比张大台我地坐，非常nice。我地叫左个淮山小炒，小笼包同埋蜜汁叉烧，仲有个腐皮卷，淮山小炒系用紫淮山炒，个人过往对淮山既印象都系白色既，紫淮山真系第一次见，本以为味道会有差距，不过一食落去非常好味，完全唔输比平时见到既淮山。小笼包非常好味！夹起黎个皮唔容易破，而且可以见到D汤系入面long下long下，呢个包小笼包既功夫真系非常犀利，味道亦比外面既酒楼好味好多。叉烧虽然出面好多地方都有卖，但系我食过咁多叉烧，呢个系我目前为止觉得最好味既一个，肉质紧致又唔韧一咬就开，蜜糖味都非常入味，整体黎讲非常之好。腐皮卷我就第一次食，味道都ok，好好味。成间餐厅既服务都好好，服务生既态度都好有礼貌，用餐环境都好整洁非常舒服，下次会再黎！！