餃子館

营业中

休息中

第一次去天水围新北江食饺子，本身劲钟意食饺子，满心期待。😢见到到店员忙碌，坐低等咗一阵见冇店员，就自己行过去揾店员落单，唔知系咪我冇听清楚定点，买完咗之后，佢俾个号码牌，我就坐低咗。点知突然个店员有啲恶咁样话我哋买左外卖，唔好坐喺度等，叫我哋让个位出嚟，俾后来嘅客人坐低。后来𠮶两位客人都有啲唔好意思咁坐低咗喺我哋原本个位。我先发觉原来我落咗系外卖单。咁我唯有礼貌咁解释话第一次嚟食，问返可唔可以转堂食。因为店舖仲有三份一吉位。个职员不屑咁话：「买咗外卖就唔可以堂食，我哋老板嘅规矩系咁，以前喺旧舖都系咁。」 我话：「但系我买咗冇地方食，可以点算？」个店员话要食就去隔离公园食😩好似赶客咁。唔评论店员嘅赶客态度，佢啲饺子真心几大只，味道就正正常常，但一肚气底下食而无味啦。😢唔会再帮衬。