早安越南 (已結業)

第一次食黑粉丝*同男朋友食晕全港九*琴晚同男朋友收工去黄埔揾野食，黄埔站开左真系方便好多。系美食坊呢间早安越南坐低左，因为店出门个装修吸引左我，感觉好怀旧。我地嗌左2个晚餐，火车头汤河粉同岘港酸辣海鲜汤黑粉丝，跟两杯餐饮。火车头汤河粉大大碗，最钟意火车头多料，有人牛肉，牛腩，牛丸，牛孖筋同埋牛柏叶，d料都ok。个汤好味，颜色清澈但味道鲜甜，加埋洋葱，芫荽，芽菜同香料做配料，清新d。岘港酸辣海鲜汤黑粉丝第一次食呢个黑粉丝，佢比平时食开既粉丝烟韧，弹牙，虽然颜色似薯粉，但食落冇薯粉咁淋身，黑粉丝很挂汤，分量多。至于个汤底就似浓郁少少，多椰汁嘅冬阴公咁，开胃！同埋啲海鲜𩠌都多款，有带子，虾，鱿鱼同埋青口，都ok。热百香洛神男友话饮完会好训d，不过我觉得偏甜。