星聚軒

营业中

休息中

今日系消费券有效期最后一日，与妈妈相约至哩间店舖尝鲜（听闻大厨系米芝莲有评星）是日大约一点半到埗，不用等位便可直接入去坐，环境都几舒服，坐位阔落，卡位仲配置一部电视机在侧。妈妈话想试啲唔同既野，所以由我发板，今次嗌咗几样，每样都有内藏惊喜。第一样系炸云吞，佢跟既汁有别于我以往食开既酒楼，入面有叉烧同鱿鱼，个炸云吞咬落有蛋香味，淋上酱汁，风味更上一层楼！第二样系黄金豆腐，哩个有啲难夹起，易散，不过不失。金箔虾饺，造型上够特出，咬落去啲汁飞出嚟，小心热亲个咀最令我回味的系哩个雪茄虾卷，首先外皮系如蛋卷酥脆，咬落闻到炸物个种油香味，最正系成条都塞满虾！最后系龙虾汤腐皮卷，个汤系食得出有奶油煮过，个腐皮卷就算涷咗都一样脆口，正！上菜期间，见到啲侍应上既小菜份份都好大份，啲汤又好香，下次再嚟试下食晚饭。如果想请人食饭，都值得一试。