坤記糕品專家 (已結業)

系深水士步非常出名既坤记，地点一啲都唔难揾，一出地铁站就见到，第一次买回家吃，买左两件砵仔糕同一件一芝麻糕。要砵仔糕𠮶阵想要多豆，个呀姐唔知系撞聋定系心情唔好，应都无应就求期执左两个俾我，可能系因为我都企左系佢舖头面前一阵谂紧要买咩。拎到返屋企，先试9层芝麻糕，唔知系咪天气太热既关系溶溶地，放返入雪柜就即刻无左溶溶地一 pat野既感觉，如果唔系卖相真系一d都唔讨好。咬落去好香芝麻味，唔太甜，岩岩好，但口感有d粒粒芝麻系度，好似有啲沙咁，个人就真系唔系几钟意。至于砵仔糕，太甜，红豆系底，同一般既不太一样。几香几油滑，但个人喜欢葵芳个间多好多，真系睇下夹唔夹架姐。