Grove Café

营业中

休息中

第一次食，睇个Menu好靓，食物种类又好丰富吸引，地方环境唔错！我系点左「千层面」+冻奶茶，而我屋企人系点左「红酒鸡饭」+热阿华田。我哋去食嘅时间系1:30pm，所以唔系好多人，咁岩见到侍应所以我哋就揾咗位坐，差唔多行到个位时，有个男侍应见到我哋，就好有礼貌咁话：「随便坐」，差唔多由头到尾都系呢位男士应服务我哋。呢间餐厅系自己去点餐，之后佢哋会比个牌你，由侍应送餐。虽然等左差唔多10mins，有少少耐，好彩嘢饮黎先，可以饮下，我同我屋企人系睇紧一本杂志，之后个男侍应送餐黎，喺我哋后面好有礼貌咁同我地讲：「唔好意思，你地点嘅餐到咗」。虽然服务系好好，但啲嘢食真系好一般，我个千层面好硬，同埋佢嘅味同一般出面嘅味道唔同（唔知系咪佢哋有唔同嘅整法或者材料，始终我都系第一次食），奶茶就同出面一样都好饮，不过好似奶比较多（我冇落糖）。