意粉屋 (新城市廣場一期)

营业中

休息中

今日谂住系去沙田踩单车架，但实在爆晒，所以改变左计划。行行下肚饿，见呢度冇乜人排队所以拣左佢。我都系第一次食意粉屋，套餐我觉得ok，一个set有面包、汤、主菜同饮品。个面包，好难食，食过咁多间美式餐厅，都系Outback个黑糖面包最好食。汤正正常常冇特别。要赞个沙律同焗通心粉。沙律另外散叫，好足料，配搭都好好食，食左半份已经饱饱地。焗通心粉好邪恶呀，你见咁多芝士就知几邪恶，成餐最满足系食佢。茄汁意粉正常野，冇乜大特别同惊喜。成餐饭ok啦～呢类型嘅餐厅都系食午市比较抵食，晚餐嘅对我黎讲贵左啲。咁多同类餐厅，我都未必再回头，除非真系冇得拣。