Hunger Strike (般咸道) (已結業)

印度Kebab经过见到有间kebab 好似几得意，我又未点食过kebab, 所以企系门口谂咗阵，无耐，有个印度籍嘅人从餐厅走岀嚟递上餐牌，就决定试吓啦。叫咗combo 个set, 加咗$10 要芒果smoothies. 喺餐厅等咗一阵就攞得喇。打开有一堆薯片同小食，当然仲有kebab 本人啦，我叫嘅系牛肉味嘅kebab, 其实我无咩点食过kebab, 真系有啲惊唔知啱唔啱口味，但第一啖食落去，就觉得好好食，啲香料同酱料同啲沙律菜又几夹，口感好特别，食到菜嘅fresh, 同埋香料嘅浓烈感，有少少膻味，但我觉得ok, 可能接受，个皮都整得几软薄，只系食到最后会唔够酱，个味就会寡啲。小食都几好食，薯片就偏腍同有啲痴牙，我比较钟意脆身啲嘅薯片，呢种可能系印度式，我就麻麻。本身我以为smoothies 系普通smoothies, 忘记佢系印度风味，饮嘅时候突然谂，咦，咁特别嘅只味，又酸又咸咁，哦，原来系印度嘅smoothies, 虽然佢只味几得意但我都系有啲啲唔习惯，当系试下新嘢啰～总括嚟讲，个kebab 好食，可以一试。