大喜慶 (已結業)

第一次食我记得系上年中期业绩报告老板请大家食饭，当时候唔记得系咪高师傅亲自落手，真系好食，无得弹，但系～～～～～今次真系唔掂。以下小弟点既菜：1）火朣鸡炖翅2）醉鸡翅3）凤爪4）莲藕饼（内含黑松露）5）蟹嵌6）椒丝腐乳生菜翅因为第一次试过，好掂，点知今次出来个水准差之千里尔，汤浑浊、偏咸，翅疵埋一旧，火朣有油益味，唯一优点系依然咁大份，但系无兴趣添多碗～醉鸡翅，厉害，唔熟，都费事同waiter讲，反正得4只～味道唔错，有雪藏味～～蟹嵌，$68/pc，订位时话每天只供应22只，念住应该唔差得去边，但系～～～可能为方便食用，基本上一咬就散，完全无弹性，蟹肉用料唔算最差，只系差0者～～凤爪，无特别～莲藕饼，据闻有加黑松露，唔觉，但系粉我就觉得落好多喇～生菜，好多腐乳汁，好浓，睇得出落足料炮制，但系只能远观而不能～环境以及其他方面对我唔系大问题，只要好食，街市我都唔介意，但系一间菜馆如果唔能够保持水准，比人客有咁大既落差，而且借钱并非便宜，我估亦难以与保持客人的长期关系，高师傅满场走既同时，我情愿你真系坐镇厨房，管理好食材既质数，始终决定一间食店既生存空间，系味道，而唔系so-so也。谨记。平