好時沙嗲

营业中

休息中

星期五两条友过o黎食饭，系我第一次o黎食，原来地方唔系好大，我真怀疑上次我o地班食家去食已占该店一半地方。喇沙-汤底唔够香，料亦唔多够，而米粉略腍。加多加多-个酱当然冇miss牛油果整得咁好味喇，但比都不及印尼餐厅咁浓。咖哩鸡-咖哩汁好野味，薯仔就有好多，鸡就只得三件，虽然一D鸡冇鸡味，但就入晒D咖哩味。薄饼(油酥饼)-本来我谂紧叫油饭好定薄饼好，个侍应就介绍我食薄饼，佢话好好食来点咖哩最好。佢真系冇介绍错，又熟又脆，好少有餐厅整得咁好食，点咖哩真系天下无敌。其质素冇我预期中咁高，但胜在价钱平。