影片
更多
2006-07-14
12 浏览
唔经唔觉今个已经系第一百个食评，当然唔可以求求其其揾间嘢嚟食la。下昼过CWB找女友食饭，之前谂住去寿司广，点知早一日book位都full house，真夸张。忽然谂起呢间铺未食过，就决定咗呢度作为我第一百个食评...踏进铺内，发现地方唔大，典型日本寿司铺格局。之前已经book咗坐sushi bar，估唔到仲系坐响老板今村先生面前，真系发达lor..叫咗lunch sets入面最贵嘅二个餐，女友食嘅餐包十件自选寿司，加三件刺身、前菜及面豉汤；我拣嘅set就只系得十件自选寿司(无剌身嘅)。先嚟刺身作为热身，油甘鱼算系肥美，无渣；吞拿颜色红卜卜，睇上去几新鲜，不过美中不足系有少少筋；无试到旧甜虾，不过听女友讲话都几好。跟住就开始寿司宴嘞...今村先生跟足传统，先嚟淡口嘅白身鱼--- 金目𫚭够鲜，鱼味浓，口感清新，忽然想起三年前响筑地巿场寿司大食过嘅味道；大拖罗呈红白相间，直头好似食嚿鱼油入口咁，不过发现食落口时有D渣，眉头有少少皱，呢样都系见诚嘅出品胜一筹；再嚟鸡鱼及象拔蚌，鸡鱼嘅口感同hamachi好似，都好新鲜；象拔蚌好爽口，一D都唔韧。跟住就嚟比较浓味嘅 --- Anago系一流嘅，
踏进铺内，发现地方唔大，典型日本寿司铺格局。之前已经book咗坐sushi bar，估唔到仲系坐响老板今村先生面前，真系发达lor..
叫咗lunch sets入面最贵嘅二个餐，女友食嘅餐包十件自选寿司，加三件刺身、前菜及面豉汤；我拣嘅set就只系得十件自选寿司(无剌身嘅)。
先嚟刺身作为热身，油甘鱼算系肥美，无渣；吞拿颜色红卜卜，睇上去几新鲜，不过美中不足系有少少筋；无试到旧甜虾，不过听女友讲话都几好。
跟住就开始寿司宴嘞...今村先生跟足传统，先嚟淡口嘅白身鱼--- 金目𫚭够鲜，鱼味浓，口感清新，忽然想起三年前响筑地巿场寿司大食过嘅味道；大拖罗呈红白相间，直头好似食嚿鱼油入口咁，不过发现食落口时有D渣，眉头有少少皱，呢样都系见诚嘅出品胜一筹；再嚟鸡鱼及象拔蚌，鸡鱼嘅口感同hamachi好似，都好新鲜；象拔蚌好爽口，一D都唔韧。
跟住就嚟比较浓味嘅 --- Anago系一流嘅，再加上搽响上面嘅鳗鱼汁，实非平常食嘅普通鳗鱼可比；Uni颜色金黄，口感甘香丰𣍰，有海水味，不俗。
跟餐嘅茶碗蒸好滑，内里有白果、冬菇、虾等材料，几地道，跟响日本食嘅出品差无几；面豉汤好清，附有一两件吞拿鱼鳍肉"lun"吓，跟普通铺头出品嘅"庸俗"味道好很多。
用嘅米当然系日本米，口感松软，见今村师傅用三手完成一件寿司，功夫到家。
一边食嘅时候今村先生都会撩吓你倾偈，我就多口问佢哋嘅货系唔系多数系筑地嚟，佢话大部份都系，另外有部份就从九州嚟，一星期返货四次咁话...
倾倾吓最后食埋个芝蔴雪糕，功德圆满...
张贴