影片
更多
2024-02-25
1371 浏览
以前去BC睇戏，夏铭记或者庙街牛杂又或者煲仔饭系开饭首选，过咗一排，唔同嘅舖头质素都有左变化，幸好开饭有新选择，竟然发现第一群系BC附近开左新分店。以前深水埗相对坐得冇咁好，呢到就完全唔同，够大又方便，而且食物menu都一模一样，价钱差唔多之余，整个体验都好咗好多。重点当然系喺蟹膏蕃茄汤檬，如果贪心嘅再加多个蟹膏，入边仲有好多豆腐猪红扎肉等等，全部都好好食，檬粉吸汁力很强，呢个系第一群嘅all time favorite ，不过对比1986，我好似钟意1986多少少。米纸虾卷有非常薄的米纸外层，包著好丰满嘅馅料，又系必定点的作品。点了个烤猪肉汤河，佢加上香料嘅烤猪肉令人吃得特别开胃，而且味道好诱人，个人推介如果三心两意又想食牛丸牛腩汤河嘅话就加牛丸，食到所有嘅名物。太耐冇食，有啲挂住佢嘅越式法包，几饱都要食多个，呢到嘅法包绝对出色，外层好脆，又系令我谂起全盛时期嘅添记。饮品方面，当然要拣牛油果沙冰同埋滴漏咖啡，好饮足料之余仲要价钱系佛心价。最尾当然要选择一个斑兰绿豆糕做甜品，呢个记得一定要提早叫，因为每日有限量出品。地点好，又唔算太难等位，好食又价钱相宜，如果你去电影中心睇戏，可以嚟开
以前去BC睇戏，夏铭记或者庙街牛杂又或者煲仔饭系开饭首选，过咗一排，唔同嘅舖头质素都有左变化，幸好开饭有新选择，竟然发现第一群系BC附近开左新分店。
以前深水埗相对坐得冇咁好，呢到就完全唔同，够大又方便，而且食物menu都一模一样，价钱差唔多之余，整个体验都好咗好多。
重点当然系喺蟹膏蕃茄汤檬，如果贪心嘅再加多个蟹膏，入边仲有好多豆腐猪红扎肉等等，全部都好好食，檬粉吸汁力很强，呢个系第一群嘅all time favorite ，不过对比1986，我好似钟意1986多少少。
米纸虾卷有非常薄的米纸外层，包著好丰满嘅馅料，又系必定点的作品。
点了个烤猪肉汤河，佢加上香料嘅烤猪肉令人吃得特别开胃，而且味道好诱人，个人推介如果三心两意又想食牛丸牛腩汤河嘅话就加牛丸，食到所有嘅名物。
太耐冇食，有啲挂住佢嘅越式法包，几饱都要食多个，呢到嘅法包绝对出色，外层好脆，又系令我谂起全盛时期嘅添记。
饮品方面，当然要拣牛油果沙冰同埋滴漏咖啡，好饮足料之余仲要价钱系佛心价。
最尾当然要选择一个斑兰绿豆糕做甜品，呢个记得一定要提早叫，因为每日有限量出品。
地点好，又唔算太难等位，好食又价钱相宜，如果你去电影中心睇戏，可以嚟开下饭。
张贴
