甘甘好蔗 (已搬遷) 新店位置

几个同事一齐放lunch食完饭点都系会想买杯饮品返Office提神，今日经过见到一间新开嘅蔗汁主题茶饮店，我哋几个决定要宠幸下佢！咁为食嘅我，见到呢类型咁新颖嘅配搭，梗系每杯妹都偷啖饮下啦！🥤蔗杯柠檬四杯饮品当中，我本人最推荐蔗杯柠檬！佢哋选用左香水柠檬，独有嘅香味配埋蔗汁嘅甜，饮落去非常清新，一改我以为蔗汁净系一味死甜嘅观感！非常值得一试！🥤蔗杯美式其中一个同事话佢好眼瞓，所以就试咗杯蔗汁咖啡！听到佢个配搭好奇怪，点知试一啖，饮落去竟然好似食咖啡糖嘅味，一啲都唔奇怪，而且好夹！如果你平时怕Americano太苦，呢个你就可以试吓啦！🥤蔗杯白桃白桃味饮落去有清新嘅桃香之余仲有好多白桃果粒，都系唔错嘅配搭！🥤黑伦子柠檬茶有个同事唔饮蔗汁，就试咗佢哋嘅黑加伦子手打柠檬茶！茶底采用御翠乌龙青，配上黑加伦子同埋柠檬，唔会好甜，而且偏酸，钟意酸嘅朋友记得试吓啦！基本上而家好多茶饮店都主打做珍珠奶茶，今日见到呢个第一间主打做蔗汁感觉好新鲜，你哋快啲去试吓啦！甘甘好蔗 (旺角)旺角登打士街55号鸿达楼地下6号舖