川善茶居 (已結業)

今日因为早收工嘅关系，又同友人来到川善茶居， 今次已经系我第三次到访， 作为抹茶控嘅我，一直对呢度嘅抹茶甜品念念不忘， 但 由于weekend实在太多人， 一般都系平日嘅时间先会过嚟食。 今次嚟到，见到menu有少少唔同外，仲多咗只猫， 懒洋洋咁瞓喺张櫈度。之前黎过呢度食抹茶芝士蛋糕同埋抹茶心太软， 一直印像都唔错， 今次就叫咗个抹茶窝夫。 睇相都见到， 除咗抹茶窝夫外，仲有蛋沙律，烟三文鱼同埋菜沙律。首先，摆设黎讲算系唔错， 佢将几片烟三文鱼放到好似朵玫瑰咁， 不过我本人就对呢份窝夫有啲失望。 首先成个餐有一半都系菜沙律， 窝夫其实只有两片， 好似分唔清楚边样嘢先系主角。而家佢将蛋沙律同窝夫放埋一齐， 蛋沙律一般味道比较浓， 同窝夫一齐食完全唔搭，甚至遮盖埋窝夫嘅抹茶味。 如果单食窝夫嘅话都尚算系脆卜卜， 但系成个餐夹配搭我就觉得一般啰。我地另外order咗两杯野饮，绿色果杯系有抹茶，soybean milk，chestnut，味道不错。而啡色果杯系焙茶加白朱古力，仲有棉花糖， 成个配搭都好创新， 两杯于比较起黎味道都十分好，但本人就会钟意啡色𠮶杯多啲，创意加咗唔少分数。总结嚟讲，呢