叁不館

营业中

休息中

食过两次，第三次食，终于的起心肝今次出个食评赞下佢一如以往汤底都系最难拣嘅，因为真系花多眼乱我记得第一次黎已经系食莫生气椰椰鸡汤，今次决定encore 叫呢个汤底等于叫多个𩠌，有碟鸡跟埋俾你慢慢落，仲有即时加新鲜椰子水，真系好香！唔止咁样，个汤滚起嘅时候，仲可以先装左一碗黎饮，正！嘢食方面，一定要叫佢𠮶个顶级安格斯牛颈脊，上次都有叫，超好食，有牛味之余又够腍！痛风餐都系必点，蛏子熟左之后好鲜甜㖞，真系唔错！沙白同扇贝都系，洗得又够干净㖞，食得都真系好满足！叫埋五宝丸，一次过满足哂咁多个愿望自己最钟意食牛丸，弹牙得黎又好入味！佢个调味架都好有心思，有自家制葱头油，仲有好多选择，好好呀！佢个气氛都系我再黎嘅原因，好怀旧，枱櫈个啲都有心思！我地仲叫左夏枯草，唔太甜，好饮！但叫完先睇到呢个一蚊啤酒，好抵㖞！饮唔哂原来可以暂存，下次去时一定叫埋呢个，真心同边炉系绝配