影片
更多
2009-09-19
15 浏览
又系我，我今个月已经系第 3 次黎啦! 我都唔知点解，所以话住系MK既人都系麻烦D，因为实在有太多诱惑系身边啦，想唔肥都好难。只系行过隧道见到佢个BANNER广告，妈咪就竟然兴致勃勃咁又话想黎食，哈哈，我妈咪对佢个椰果子念念不忘，佢话真系好钟意食㖞，所以食完野又过左黎呢度食啦。其实真系好难得，因为基本上生存左系MK廿年以上，我妈咪真系好少会重覆帮衬一D甜品店，佢话出面个D实在太普通，完全引唔起佢兴趣㖞，所以「甜品革命」可以吸引到佢一来再来，实在系有佢既魅力系度! 大概 9 点去到，好多人呀，系咁啱仲有两个位可以容纳到我地两个。想起第一次知道呢个甜品店系我一个同学同我讲佢系杂志见到，话系由三名男士所开，我仲即刻问个三个男既靓唔靓仔架? 我个Friend话:「唔知㖞，又无post佢地个样出黎。」今晚竟然一晚俾我见到哂，佢地其中竟然仲认得我，因为我系openrice写过食评。当中一个老板叫Eric，佢竟然连我个名都叫到出黎，真系劲! 我妈咪之后话呢D咪就系认真做生意啰! 哈哈，不过我地又的确系黎得密左d既! XD老板依然好NICE咁推介甜品俾我地食，但由于妈咪对椰果子念念不忘，所以佢又再叫
大概 9 点去到，好多人呀，系咁啱仲有两个位可以容纳到我地两个。想起第一次知道呢个甜品店系我一个同学同我讲佢系杂志见到，话系由三名男士所开，我仲即刻问个三个男既靓唔靓仔架? 我个Friend话:「唔知㖞，又无post佢地个样出黎。」今晚竟然一晚俾我见到哂，佢地其中竟然仲认得我，因为我系openrice写过食评。当中一个老板叫Eric，佢竟然连我个名都叫到出黎，真系劲! 我妈咪之后话呢D咪就系认真做生意啰! 哈哈，不过我地又的确系黎得密左d既! XD
老板依然好NICE咁推介甜品俾我地食，但由于妈咪对椰果子念念不忘，所以佢又再叫左黎食。今晚叫左「黑车厘子茅屋椰果子」同埋「龙泉银露」，呢个系上次佢地推介过既，觉得几吸引，所以今次就叫黎试下啦。
首先系「龙泉银露」，好似我呢D又钟意龙眼又钟意椰汁既人当然好钟意啦，佢入面仲有个雪糕球架，佢真系所有甜品都有伴雪糕架㖞! 除左雪糕仲有龙眼同西米加香浓既椰汁! 我自己觉得龙眼既味道同椰汁几夹，都系属于较为清新既味道，唔会得个甜字。椰汁依旧香浓，你将D椰汁连埋一啖雪糕一齐放入口个种感觉好正架真系。除左冰冻既口感之外，椰汁加埋云尼拿既味道即刻伸延出黎，真系唔错。
茅屋椰果子今次系第二次食，其实上一次只系五日前既事，不过好似有DD唔同左㖞。简单D讲就系上次个椰青靓D，真系一睇就知，上次个椰青又大个，D肉又厚而且仲有好香既椰青味，不过今次明显不及上次，D椰肉系无咩味的，所以妈咪就话觉得上次好食D啰。椰青入面个内馅依然系好食既，冧酒车厘子劲香又有少少苦苦地，加埋清新既椰果子，还是很不错啦。
食完拿拿声走人，因为见出面颇多人客，废事阻住佢地张台啦。埋单时赫然发现老板竟然俾左个 9 折我，真系唔好意思! 多谢哂老板! 我都答应下次一定会带朋友黎食的。不过诚心希望食物水准唔好退步啦，如果唔系我会好唔开心架! ><
希望下次依然有靓靓椰青食! =)
张贴
