愛 . 添 (已結業)

女孩子 就算食到饱饱 面对甜品 都会生出第二个胃Haha 呢间小店系第二次光顾 ( 距离第一次光顾 已经过咗段时间) 之前试佢哋嘅糖水 同埋 沙冰 当时我同 店长讲 沙冰 唔够幼 希望佢哋作出改善 今次再嚟 我哋点咗两个甜品 同一杯沙冰甜品方面 法式焦糖梳乎配厘 pancake 好有水准 质感松软 火候啱啱好冇㶶底 配法式焦糖 及雪糕 一齐食 睇落好似好多嘢 食完其实食咗份风 唔觉饱 啱晒食饱晚饭食 味道亦都不错沙冰我要赞一赞 店长真系有听意见作出改善 今次个沙冰 已经冇再食到粒粒 好幼细 士多啤梨味仲好出至于芒果窝夫 窝夫 最紧要脆 呢个已经 符合我要求 总括嚟讲样样都几好 下次再经过洪桥 都会嚟帮衬