飲茶 (已結業)

上次去左旺角分店, 由于系food court隔离所以隔唔到油烟, 环境一般。今次去尖沙咀分店, 环境好好多, 虽然因为空间较细, 枱与枱之间都几迫, 唔算坐得好舒服, 但起码唔会好似旺角闻住隔离嘅铁板油烟食饭。由于朋友第一次去, 所以紧系循例要食得意嘅点心。以下几样都好味, 睇得又食得, 最钟意睇住流奶有好香咸蛋黄味~除左呢D预料之内嘅可爱点心, 估唔到最大惊喜竟然系睇落唔特别嘅野菌泡饭!!上菜时侍应先会将炸过嘅饭粒倒入口汤入面, 食落口感同味道都不得了。卜卜脆嘅饭粒配上清甜嘅什菌汤底好夹, 好好食。最特别嘅一定系口感, 因为一般泡饭都系普通软淋淋嘅白饭, 系呢度嘅会炸过所以先咁好食。见到好多人推介, 系几好食嘅。不过价钱就唔多值, 百几蚊一碟菜, 都系试一次咁大把算了。果然健康系要付出代价...呢个醉鸡我都好钟意, 唔似外面食到嘅咁重酒味, 滑嫩鸡肉配上酱料好易入口。粉皮弹牙, 口感唔错。豆腐滑嫩, 睇落都好靓, 但同上面其他有特色又好食嘅菜式比较下就略为逊色。下次再食嘅话, 都一定会再叫野菌泡饭!因为呢个真系估唔到咁好食。