一鼎茶

营业中

休息中

我喺屯门试过呢间一鼎茶，𠮶阵已经觉得佢哋啲饮品价钱合理，台式风味好正宗，我就好有兴趣，又去试吓佢哋啲嘢饮。之前饮过佢哋嘅【草莓爆柠】，好钟意，今次都忍唔住再叫返杯！【草莓爆柠】虽然系士多啤梨加柠檬，但系酸度适中，唔会太酸到好难入口，而且仲带有少少清甜，饮完仲会有回甘。夏天饮返杯佢哋嘅【草莓爆柠】简直正！上次冇试到餐牌上面睇落好吸引嘅【芒芝芒芝】，所以今次就叫多杯呢个。而且整好成杯嘢睇落仲吸引过张相。【芒芝芒芝】真系好好饮，芒果控绝对唔可以错过呢个，芒果好清甜同埋好清爽，再加埋芝士嘅奶香，饮落口感好浓郁，甜而不腻。好推介一鼎茶同埋佢哋嘅【草莓爆柠】同【芒芝芒芝】，有机会嘅朋友仔一定要试吓。