慢煮兩餐 (已搬遷) 新店位置

第二次食慢煮生活，第一次黎时觉得感觉一般，虽然有家常感觉，但系太咸，结果搞到两头唔到赶。由于觉得味道唔差，我决定俾多次机会佢。估唔到第二次黎食会有一个咁唔同既感觉。今次我叫左煎青根鱼、冬瓜菇汤配饭 （$75）。 青根鱼煎得好香。青根鱼系浅水鱼，所似会有泥味，一般都系煎or用一些可以辟泥味既煮法。呢条鱼煎得好食，鱼肉好嫩滑，鱼有鱼鲜味。冬瓜菇汤就系冬瓜盅既味道，清甜消暑（咁岩今日好热）。重点系今次完全唔会咸，岩岩好。希望下次黎食𠮶养生排骨汤都会有所改善，唔好再咁咸。呢间餐厅好近公司，我相信会有下一次。