31
11
10
等级4
239
0
第二次机会服务都系咁差唔忧做咁~
2006-09-27 49 浏览
其实写呢个食评之前,我都帮衬过一次,主要都系睇左呢道其他食家食评先帮衬,但我第一次帮衬已经有不快经历。呢个月头我同女友行经呢间铺,我同女友因之前食左,所以铺前睇左一阵价格表,我俩决定买三只鹅掌试味,我女友入内话买三只$5-鹅掌,点知入面个阿姐不停重复话:『够喇?三只够喇?够唔够食呀?』,仲系唔止哦左我女友呢句咁多添呀!我女友顶住度气临离开时,问佢拎多一包酱汁,学下面果位食家师兄话斋,入面果两个切人(估计可能系老板?!),即时两个单哂眼用身体语言表示不满。我女友行出铺外即时向我投诉,我心谂...做旺都唔驶咁嚣张丫嘛?!唔系咁恶丫嘛?返到屋企试下个鹅掌,公平讲句,确系几好味,卤水蜜糖味几惹味确系,但做生意态度就真系要检讨下啦!今日,我向女友讲未试过佢卤水猪耳,我叫女友不如去买半斤试下,去到唔驶排队,我因揪住好多菜,所以又叫女友入去买,我女友话买半斤猪耳$21元+一只$1鹅翼$10元,但唔知点解阿姐计数收我女友$32元???(应该系$31元)入面果两个一向态度唔好斩料大叔,突然又用眼神及面部表情沟通,稍后又向收钱阿姐猛单眼,及用手住斩净最后一件我买鹅翼,不停用眼神话俾阿姐知要收多我钱。阿姐收
更多
其实写呢个食评之前,我都帮衬过一次,主要都系睇左呢道其他食家食评先帮衬,但我第一次帮衬已经有不快经历。呢个月头我同女友行经呢间铺,我同女友因之前食左,所以铺前睇左一阵价格表,我俩决定买三只鹅掌试味,我女友入内话买三只$5-鹅掌,点知入面个阿姐不停重复话:『够喇?三只够喇?够唔够食呀?』,仲系唔止哦左我女友呢句咁多添呀!我女友顶住度气临离开时,问佢拎多一包酱汁,学下面果位食家师兄话斋,入面果两个切人(估计可能系老板?!),即时两个单哂眼用身体语言表示不满。我女友行出铺外即时向我投诉,我心谂...做旺都唔驶咁嚣张丫嘛?[新顺兴]!唔系[新X兴]咁恶丫嘛?返到屋企试下个鹅掌,公平讲句,确系几好味,卤水蜜糖味几惹味确系,但做生意态度就真系要检讨下啦!今日,我向女友讲未试过佢卤水猪耳,我叫女友不如去买半斤试下,去到唔驶排队,我因揪住好多菜,所以又叫女友入去买,我女友话买半斤猪耳$21元+一只$1鹅翼$10元,但唔知点解阿姐计数收我女友$32元???(应该系$31元)入面果两个一向态度唔好斩料大叔,突然又用眼神及面部表情沟通,稍后又向收钱阿姐猛单眼,及用手住斩净最后一件我买鹅翼,不停用眼神话俾阿姐知要收多我钱。阿姐收到呢两个奸狡大叔眼神通知,好似习惯性收到讯息咁,即时向我及女友话:『唔好意思,件鹅翼系超大件,所以系$18元唔系$10元,要收多番$7元。』,因为我门口等我女友,最后俾钱时先入去唔知头唔知路,所以我咪照俾多$7元啰!离去时我女友向我投诉,话呢个阿姐(唔系第一次买阿姐,呢个态度冇咩),头先计数已经计左好多次唔同价,唔知识唔识计数咁话㖞!女友仲同我讲话斩料果两个态度劲差唔忧做大叔,收左钱事后先话觉得件鹅翼大件收少钱,咁好似有心屈人客钱㖞?!如果客人讲明要$10元鹅翼,佢听唔清楚斩错俾客,系唔应该用老逢态度收多客钱,我觉得应该有礼貌地讲:「例:→唔好意思,斩大件鹅翼,介唔介意俾多$7蚊丫?」冇理由人客话明要$10元鹅翼,佢夹硬整只贵俾人丫嘛!而且如果我早知件鹅翼系$18元货色,我就自己拣只大件啦,驶鬼佢求其拣件大就当我超大计咩!做生意一次过冇意思,唔系好生意排长龙代表元朗变相有江湖地位,打开打口做生意亦唔系只手遮天,我相信呢间铺老板可能并唔系地道元朗人,如果系话冇理由唔知元朗客好多都土生土长,同埋朋党间关系好密切,做生意态度差好易得罪人,一传十、十传百,迟早影响铺头及生意。希望佢地明白呢个态度,人客买几多钱都唔应该用咁恶劣态度及卑劣手法做生意,人客今次帮衬十零廿蚊,亦唔代表上次或下次冇帮衬更多生意。不过我经过呢两次不快经历,反而我决定一定要亲自去帮衬多一次,睇下佢会唔会对我呢个麻甩佬用咁态度对我,如果佢再系咁对我做生意,我一定唔会好似我女友咁算数,我会佢铺头同佢讨过公道,大不了咪报警求个公道。仲有,佢卤水猪耳劲咸,如果唔怕有高血压、心血管疾病或肾脏病,食多都唔怕。仲有,做得熟食都要小心,千祈唔好卫生做得唔好,如果食坏人客肚皮,算你唔忧做都唔代表有酌情权唔驶揹镬。但公道再讲句,鹅翼味道及口感都唔错。
(以上食记乃用户个人意见 , 并不代表OpenRice之观点。)
  • 推介
    已推介
  • 检举
张贴
评分
味道
环境
服务
卫生
抵食
人均消费
$25