悠蔬食 (渣甸中心) (已結業)

适逢同事初一十五食斋所以带咗佢嚟呢间餐厅，上次喺尖沙咀食过佢啲𩠌菜觉得唔错而且好多款拣，所以今次返到嚟铜锣湾店。老火汤真系无敌！真材实料，完全冇味精，饮完一会仲好想再饮多碗。我嗌左个台湾蔬菜面加腐皮卷加南瓜天妇罗，好钟意个腐皮卷，因为一层一层卷着拎去咋，个成品出嚟就感觉好似食紧卷蛋紧，好有质感。台式面卤水汤底非常浓郁，蔬菜例如红萝卜、白萝卜、大白菜等等都煮得非常入味同埋好软稔，份量亦都刚刚好，不过食到尾啲面熟晒啲汁就会有啲咸。朋友叫咗个墨西哥卷加红菜头粒加薯条，佢大赞个墨西哥卷非常重手而且好足料好好食，仲话一定会返嚟再食。甜品方面，叫咗铜锣湾分店独有嘅布丁烧，就系一旧烧布丁下面系海绵蛋糕，而且仲有碟豆花嘅酱汁，配埋蓝色嘅蝴蝶真系好靓。