牛布拉日式牛肉麵 (已結業)

第二次黎~因为落大雨，本来想去睇戏，都系废事行，黎Top唔洗淋雨，又可以再食牛布拉嘅牛~上次发现原来中等份量嘅牛布拉面啲牛唔算多，今次要多啲，同埋转饭，避开啲枧水味~今次大满足~不过仍然嫌啲白色酱汁太少...上次见友人点唔到叉烧，再问都系未有，就点返佢上次点嘅豚肉拉面，佢上次话好食嘛~今次...干身同埋硬咗少少，味都普通，汤都无咩味，拉面仍有𠮶阵味...我都系继续食我嘅牛布拉饭啦😅由于坐嘅系二人位，本来揽住个袋一阵，又阻又重，又无櫈背，忍唔住放咗去隔离位，可惜好快就有人坐隔离，如果佢地去另一边就好啦…虽然侍应话可以放櫈底，但之前实在见好多人都踩上去，唔想放手袋...真系好唔方便。如果个袋大或多嘢拎，唔适宜黎呢度。