定食 Doraya (已搬遷) 新店位置

师傅同好友毛毛都好耐冇见, 约佢食饭真系难过登天, 好唔容易先至就啱时间; 见到面先决定食咩啦, 起初决定食米线, 但到最后都系拣左呢间食店, 所以话善变始终系女仔嘅天性! 入到去人唔算多, 地方光猛干净, 坐底后就即刻睇下有咩好食, 由于上次同好友食家"乜都放入窿"黎过一次, 所以今次心中有数, 于是就柯打左秘制炸鸡球定食, 而好友毛毛师傅真系冇咩点理佢柯打左咩添!由于炸鸡需时, 所以落单时侍应已经讲明要等几个字, 好野自然要等耐d, 终于等到炸鸡登场, 一眼望埋去已经非常吸引, 炸鸡一篮有六件, 而且件件都好大件! 呢个炸鸡定食有蒸蛋, 面豉汤, 沙律同前菜; 先试下个汤, 面豉汤味道中, 唔会太咸或太, 味道讨好; 前菜师傅就冇食到; 沙律系菜丝沙律, 入口清爽开胃, 当食完件炸鸡后, 再食少少沙律, 中和口感, 一d都唔腻, 正呀; 蒸蛋就非常滑身, 滑到唔使咬已经可以吞得, 好味; 而主菜炸鸡炸得好香好脆, 而鸡身好松好滑, 真系送饭食又得, 空口食又得, 绝对好味过KFC多多声, 真系冇得顶呀!总括黎讲食物质素真系非常出色, 环境舒服, 服务有礼, 而呢个定食嘅价钱绝对化算