老闆娘雲南米線

营业中

休息中

之前三次黎，有两次无开门，一次大排长龙，三顾草庐都食唔到。今日黎荃湾行大帽山睇芒草，我同男朋友预返佢开门时间12:00，特登早三个字去到，费时又大排长龙，第四次终于食到啦，食完终于明点解甘多人黎食啦。我地叫左招牌酥炸鸡球、豆瓣金钱肚麻辣汤银针粉$55同鸡肉虫草花姜酒汤米线$56，Zero一罐$6，Sprite Plus就要$8罐。。麻酸辣汤米线要中辣，男朋友话辣得好过瘾，因为配银针粉，所以会更辣。金钱肚亦唔错。招牌酥炸鸡球调味好惹味，炸得够香脆，入口啖啖肉。鸡肉虫草花姜酒汤米线姜酒味唔重，但汤饮落好顺口，唔会死咸。鸡肉同虫草花俾足份量有多添，鸡肉唔鞋，米线滑身，好味道。