C'est la vie (已結業)

成日都好想去佢第1间铺试下有几不得了，但去亲都要等所以我都放弃左。旧同事介绍我去依间，我以为上水开另1间cafe原来系分店。本身唔系好咖啡之人，嫌佢太重味，但饮下又无妨。叫左1杯「台湾曼巴」同1件抹茶cheese cake。黎到枱面系1杯斋啡，唔... 可能正宗咖啡文化系叹斋啡同唔落糖挂，其实唔讲我都唔知，店员又冇问我，后来好快就补番比我。影完相，加奶加糖，可能冻左，饮落有啲酸酸涩涩咁，但咖啡香系有既！如果偏向钟意浓味咖啡，佢系几岩味既，不过切记趁热饮！而如果阁下同我1样唔钟意既，就要问店员要多啲奶！p.s. 唔好用品评茶记啡既心态去饮，唔系果回事！cheese cake卖相同1般既冇分别，滑唔滑见仁见智，但系味道岩岩好，唔漏，亦冇侧重系芝士或者抹茶是但1只味，饼底好松化但唔松散，唔错！今日做冬所以7pm收铺，埋单既时候店员都好细心去问我既意见以作改进，我系食service多过食质素既人，动作加分！会再为左个cheese cake上去，至于咖啡都系唔岩我，下次饮茶！