頑固壽司 (已結業)

最近好多日本嘅寿司铺都黎咗香港开分店，呢间顽固寿司就系其中一间。呢间寿司店原来已经好耐历史，之前已经开咗99间分店，今次香港呢间系佢地嘅第100间分店。最欣赏呢度每日都会运送鱼生到港，确保鱼生嘅新鲜度。呢度除咗环境舒服，服务员态度超好，会好详细讲解，又会分享好多资讯。食物方面当然系正啦！必食推介✨寿司拼盘12贯定食，定食包埋前菜、茶碗蒸、味噌汤。所谓12贯即系12款唔同嘅寿司：有大拖罗、中拖罗、金目鲷、甜虾海胆、帆立贝、松叶蟹、三文鱼子、平目鱼、玉子烧、细卷⋯⋯寿司新鲜肥美，基本上每款都好好食，最特别想讲嘅系佢地嘅玉子烧，同一般玉子烧好唔同，食落去系好似海绵蛋糕咁，好松软。