金麥泰泰國菜館

营业中

休息中

同屋企人食饭，食得多中菜就想试下啲新野，于是就走左过来九龙城食泰菜。之前2次食过呢间觉得几好食，于是带埋屋企人嚟试下！一行6人可以share 多啲人，于是都无理到价钱就叫野食，结果叫到成枱都系😂😂（有啲都唔记得影@@)前菜叫啲串烧沙律 warm up 下先啦。每人先来1串鸡肉，一串猪肉先！本身佢烧个阵啲肉已经用香料腌好晒先，所以一开始就咁食已经觉得好入咪，鸡肉烧得嫩得嚟带少少汁！猪肉就就相对鞋啲。沙嗲酱系灵魂，带有少少花生味甜味，非常好食。泰式腌烧牛肉沙律，开头我以为沙律会好多菜，上到嚟我以为上错野，点知佢嘅重搭系腌烧牛肉。个牛劲好味，保留到牛肉嘅质感同牛肉香味，仲要加埋啲香料同秘制酱汁，超好食！食左劲多仲有pad thai, 呢间比较湿炒同偏酸，唔够干身，但味道都系ok.之后到重点烧鸡，只鸡烧得干身同皮脆，但系佢仲keep 到啲肉系比较嫩（不过未去到滑），平时我唔食皮都偷食左少少皮明炉梅子乌头鱼系我每次都会叫嘅食物。当日条鱼好大条多肉，入面有好多菜同梅子，令到汤汁有少少酸酸地，非常惹味！我地仲有叫到野饮同其他野食（无影晒出嚟），但埋单每人都系2旧水到，超抵。