金田日本料理 (已結業)

见咁多人话好，于是打算book星期五晚去食，打电话去话想订夜晚食，都未讲几点，个姐姐仔已经话要八点半前交台有冇问题，我就系想book八点嘛，于是佢话八点半后特价无得book要黎排，咁无计啦，于是同老婆八点三到去，已经有廿人系树，等等下有人话订左台就直入，我咪问个姐姐点解人地订得我又唔得，佢话咁岩有人取消先比佢订㖞。终于到八点半，可以拿筹，拿筹时姐姐话应该九点四到有位，于是系个豆润商场行左大半个钟，人都呆晒，老婆块脸黑到镬底咁，终于九点半先有位，但十点半就last order，都唔知后面既人点食。入到去要坐吧台，即刻划纸叫野啦。d野有d黎得快，有d黎得慢，有d直情无黎要摧。三文鱼鱼生质素普通，又切得太厚，唔太喜欢。剑鱼又好厚，兼无乜鱼味，其他烧物同乌冬等ok。不过划纸有个麻烦地方系你划左唔见黎，你又要划过，划划下有d又黎返，搅到你都唔知究竟黎晒未。虽然特价叫做抵食，但等到成十点先有野落肚你咪搅我啦。