板長壽司 (創紀之城五期) (已結業)

今日难得同老公二人世界就去行下少去嘅观塘，行行下就坐得食个tea。见好耐冇食过板长所以就食下。葱粒吞拿鱼腩军舰：吞拿鱼腩仲未溶得哂雪，同埋已经冰到冇味。三文鱼酱油渍寿司：特价2件14蚊，估唔到又几好味，油香重。剑鱼腩：油份够但鲜味就欠奉。三文鱼：切得好薄....一口帆立贝：有鲜味，唔错。火炙鱼背赤酢寿司：我不嬲都好中意坛女鱼背嘅寿司，因为觉得够鱼油味，会食得出鱼香味，加上用火枪烧过油份更出。火炙芝士三文鱼：另一种食法又几特别，但芝士味会盖过三文鱼。鲜北寄贝寿司：好爽口，同平时食开嘅唔同，鲜味亦好够。油甘鱼寿司：次次上台都同menu 唔同样，但都几妳好味，鱼身爽口。赤酢系列寿司三件：其实上到台我都已经分唔同边件打边件，但食食下发现点解同我地上一碟一样...我都有怀疑过系咪上错....但老公话是但照食....另外仲叫左2样热食，但明明同寿司一齐叫，但足足等左大半个钟先有.....和风蒸蛋：我老公话味道同质感都系中式蒸蛋，感觉奇怪，佢觉得元气嘅好d。甜虾牛乳白汤：比以前份量细左，成碗都冇虾肉，只有紫菜，同一粒好似汤丸嘅野，但应该有用虾头煲所以有虾油。