新麻蒲 BBQ (新都會廣場) (已結業)

今日下昼两点几一个人系新都会揾嘢食，见到新开嘅新麻蒲，见无乜人，就入咗去，叫咗个午市套餐烤猪肉同酸梅气水。好快个酸梅气水就送咗离，酸酸味味都几好饮。隔咗一阵就送咗三碟前菜离，有腌咗既酸萝卜，虽然切得好薄，不过好爽好好味。跟住又系酸味味既海带，仲有我自己麻麻地钟意食既辣酱芽菜，虽然系午餐，但份量一d都唔细。最后等咗好耐既烤猪肉终于有得食，热辣辣，有少少辣汤浸住d猪肉，唔干又唔会好靱，仲有金菇，洋葱，大葱，辣椒做配菜，少少辣辣地好开胃，送饭一流，成个白饭食晒。不过个午餐虽然几好食，但系个烤猪肉等咗好耐先离，其实个阵无乜人，都唔知点解要禁耐，等到我火大，下次再离食，真系要谂谂先。